Hér má finna þau fyrirtæki og einstaklinga sem veita þjónustu til verðandi brúðhjóna og gestum þeirra. Eins og gefur að skilja þá er af mörgu að taka og um að gera að skoða allt sem í boði er. Þau fyrirtæki sem eru feitletruð eru með nánari upplýsingar um þjónustu sína og myndir sem hægt er að sjá ef smellt er á nafn fyrirtækisins.

Það ber að huga að því að þegar brúðarbíllinn er skreyttur að festa slaufur og annað skraut á þann hátt að ekki hljótist rispur í lakkið. Best er að nota mjúkan borða í slaufur en algengast er að nota plastborða þar sem hann þolir regn og rok. Það er þó mun meiri hætta á að slíkur borði skilji eftir sig rispur. Aftur á móti ef slaufurnar eru festar þétt niður við bílinn, þannig að þær hafi ekki lausarúm til að slást í bílinn þegar hann er á ferð, minnka líkurnar á rispum.