Það er margt sem þarf að undirbúa fyrir brúðkaupsveisluna sjálfa. Eitt af fyrstu verkefnunum er að panta (finna) salinn eða veitingastaðinn sem hentar. Huga þarf t.d. að stærðinni og hvort það eigi að halda standandi veislu eða sitjandi. Sali/veitingastaði/tjöld þarf að panta tímanlega, sérstaklega ef um er að ræða sumarbrúðkaup. Úrvalið er mikið og því góð hugmynd að gefa sér góðan tíma í að skoða vel þá staði sem koma til greina.