Brúðkaupsleikurinn 2010

  Nú hafa vinningshafar verið dregnir út í brúðkaupsleik brudkaup.is og Létt Bylgjunnar. Þrjú heppinn pör voru dregin úr pottinum í beinni útsendingu dagana 14. til 16. júlí.

Hestakonan Sigríður Pjetursdóttir og tónlistarmaðurinn Grétar Lárus Matthíasson eru búin að vera saman í rúm fjögur ár og eiga tvær dætur, 1 árs og 2ja og hálfs árs gamlar. Þau létu gefa sig saman þann 17. júlí síðastliðinn og unnu 50 þúsund króna gjafabréf í versluninni Dúka í Kringlunni. Það kom að góðum notum og hafa þau þegar farið í verslunina og valið sér kaffivél og sitthvað fleira. 

Hildur Björnsdóttir og Ólafur Örvar Ólafsson munu láta gefa sig saman þann 7. ágúst. Þau hafa nú verið saman í rúm 7 ár og eiga tvo syni, einn 3ja ára og einn 9 mánaða. Hildur varð mjög hissa þegar hún fékk símhringingu frá Siggu Lund á Létt Bylgjunni, því hvorki hún né Ólafur vissu að þau væru í þessum potti. Það verður því fróðlegt að vita hvort einhver gefur sig fram í veislunni, því þau unnu 50 flöskur af Torres léttvíni frá K.Karlssyni. Viðkomandi má allavega búast við því að það verði skálað fyrir honum, fyrir að hafa skráð þau Hildi og Ólaf til leiks.

 Þóra Elísabet Kjeld og Jón Þór Einarsson kynntust fyrir fimm árum síðan. Þá voru þau leidd saman af sameiginlegri vinkonu þeirra beggja. Hún vissi að þau væru fullkomin fyrir hvort annað og fékk Jón Þór til að færa Þóru  pakka. Í pakkanum reyndist vera bók  og stuttu síðar fékk Jón Þór einnig bók að launum frá Þóru. Í fra mhaldi af þessu fóru Þóra og Jón Þór að bera saman bækur sínar. Foreldrar Þóru eru báðir látnir, en Jón Þór hélt á fund eldri systur Þóru og bað um hönd hennar áður en hann bar upp bónorðið. Það gerði hann á brúðkaupsdegi  foreldra hennar þann 10. nóvember árið  2007, niðri við sjóinn í Reykjavík, og kom Þóru gjörsamlega á óvart. Þau munu láta gefa sig saman þann 28. ágúst, og þá munu þau einnig láta skíra yngstu dótturina, en saman eiga þau fjögur börn.

Þóra og Jón Þór voru ekki búin að gera neinar ráðstafanir varðandi brúðkaupsnóttina, en þau hlutu í vinning gull pakka frá Hilton Reykjavík Nordica. Þar munu þau slaka á og láta dekra við sig eftir þennan stóra og hamingjuríka dag.

Við óskum vinningshöfunum hjartanlega til hamingju með verðlaunin, en fyrst og fremst óskum við þeim  til hamingju með hvort annað.

Ekki hika við að leyfa ástinni að fljóta og fara alla leið.


Til baka